മരണം
ഒടുവിൽ അവനെന്റടുത്തൂമെത്തി
ഒരവസരം കൂടി എനിക്ക്‌ തരുമൊ?
ഇല്ല ഇനിയില്ല 
സുന്ദരനാണ് നീ നന്മയുല്ലവൻ
ഇത്രയും കാലം നീയെനിക്ക്
അവസരം തന്നില്ലായിരുന്നോ
ഞാനത് ഉപയോഗിച്ചില്ല
കഷ്ടപ്പെട്ട് ഞാൻ വെട്ടിപ്പിടിച്ചത്
ഒന്നുമെനിക്ക് ഉപകാരമാവുന്നില്ല
കയ്യിലുള്ളതെല്ലാം തരം ഞാൻ
ഒരുദിവസം കൂടിയെനിക്ക് തരുമോ ?
എന്റമ്മയെ ഒന്നു കാണാനാ !
ഇല്ല നിനക്കിനി ഒരു നിമിഷവും തരില്ല
നിന്റമ്മ അവിടയുണ്ട്‌  സ്വർഗത്തിൽ
ഉവ്വൊ അതെപ്പോഴാ നീ കൂട്ടിയത്‌ ?
നീയൊന്നും അറിഞ്ഞില്ല നിന്റെ -
സഹധർമിണി ഒന്നും പരഞ്ഞുമില്ല !
ഇല്ലാ അവൾക്കറിയാമായിരുന്നോ ?
അതെ അവളെ വിളിച്ചിരുന്നവർ
ആര് ? വൃദ്ധാലയക്കാരോ ?
അതെ ഞങ്ങൾക്കങ്ങനൊരമ്മയില്ലെന്ന് -
പറഞ്ഞവൾ ഫോൺ വെച്ചു .
നിന്റമ്മ എന്നോട് കരഞ്ഞു പറഞ്ഞു
എന്റെ മോനെ നീ വേദനിപ്പിക്കരുതെന്ന് !
അമ്മക്കറിയാമോ നീ എന്നെ തേടി വരുന്നകാര്യം ?
ഉം! അറിയാം ഞാൻ പറഞ്ഞിരുന്നു -
അവനുമവിടെ ഒറ്റയ്ക്കാണ് അവനെ
വിളിക്കാൻ എനിക്ക്‌ പോണംന്ന്
ഞാനും വരാം നിന്റെ കൂടെ അമ്മയെ കാണാമെങ്കിൽ ?
അതു ഞാൻ ഉറപ്പു തരില്ല
അതെന്താ ?
ജീവനുൾക്കപ്പോൾ നീ നോക്കിയില്ല ഇനി
നിനക്കതിനുല്ല ശിക്ഷയുടെ സമയമാ !
അത്‌ നീ ചെയ്തോ എങ്കിലും ഒന്നു കാണാൻ ?
ഇല്ല പറ്റില്ല നിൻ അവസരം തീർന്നതാ !
നിന്നെ കൊണ്ടുപോകാനുള്ള സമയമായി
വാ നമുക്കു പോകാം
എന്റെ മക്കളാരും ഇവിദെയില്ല
അവരൊന്ന് വന്നോട്ടെ
അവർ വരുമെന്ന് നീ ധരിക്കണ്ട
അവർ ലോകം വെട്ടിപ്പിടിക്കൻ ഓടുകയാ !
എന്തൊരു വേദനയാണ് നീ നൽകുന്നത് ?
ഇല്ല ഞാൻ നിന്നെ വേദനിപ്പിക്കുന്നില്ല
 നിനക്ക്‌ ഈ ശരീരം ഉപേക്ഷിക്കാനുള്ള
മടികൊണ്ട് തോന്നുന്നതാ
               Muhammad Ali Bn Ebrahim