വിരഹത്തിൻ നോവ് 

നിറമില്ലാതിരുന്നെൻ ജീവിത-

യാത്രയിൽ ഒരു-

മഴവില്ലായി നീ വന്നണഞ്ഞു 

മരവിച്ചെൻ ഹൃദയത്തെ 

തൊട്ടുണർത്തി നീ-

നിറമുള്ള സ്വപ്നത്തിൻ 

വിത്തുപാകി...

അലക്ഷമായെൻ മനസ്സിന്റെയുള്ളിൽ-

പ്രണയ പുഷ്പം മൊട്ടിട്ടപ്പോൾ-

തഴുകുന്ന കാറ്റായി-

കുളിരുള്ള മഞ്ഞായി-

ഒഴുകുന്ന പുഴയായി നീ വന്നിരുന്നു 

അറിയാതെൻ ഹൃദയം കൊതിച്ചൊരാ-

പ്രണയത്തെ പറയാതെൻ-

മനസ്സിൽ പിടിച്ചിരുത്തി 

നിറമുള്ള സ്വപ്‌നങ്ങൾ കണ്ടു-തുടങ്ങുമ്പോൾ 

യാത്ര പറഞ്ഞു നീ പിരിഞ്ഞു പോയ് 

നീയന്ന് തലോടിയാ പൂവിന്റെ-

ഇതളുകൾ വാടിക്കരിഞ്ഞു-

നിലം പതിച്ചു 

മരണമായിരുന്നിതിലും ഭേദമെന്ന്-

ഒരു നിമിഷം കൊതിച്ചു പോയി 

വിരഹമേ നീയാണ് പരമ സത്യം

പ്രണയത്തേക്കാൾ വലിയ സത്യം 

           Muhammad Ali Bn Ebrahim